Sekan Maruun Waar

Ischri a Jumieka

---

Prii-ischri

• Prii-Kolombian Jumieka
• Taino piipl

Panish ruul (1509-1655)

• Panish seklment ina Jumieka
• Kalani a Santyaago

British ruul (1655–1962)

• Kalani a Jumieka
• Fos Maruun Waar
• Taki Waar
• Sekan Maruun Waar
• Baptis Waar
• Morant Bie Ribeliyan
• Maakos Gyaavi
• Rastafarai

Indipendans (1962)

• Jumieka Indipendans
• Bab Maali
• Wan Lob Piis Kansoert
• 2010 Kinston anres
• 2011 Jumiekan jinaral ilekshan

Di Sekan Maruun Waar a 1795-1796 wena wah iet-mont kanflik bitwiin di Maruundem a Chrilaani Parish, Jumieka, ah di British. Di eda Jumiekan Maruun komiunitidem neh tek no paat ina dis ribelian ah deh chriiti wid di British stil rimien ina fuos.

Waar brokout

Di Maruundem fiil se deh wena luuzout anda di toermz a Kojo Chriiti a 1739, we hen di Fos Maruun Waar. Di spaak we keck di faya a waar wena wen tuu Maruun eh get flag bai wah blak sliev fi tiif tuu pig. Wen six Maruun liida go prizent deh griivans tu di British, deh tek di Maruundem az prizna. Faitn brokout ina migl-Aagos.

Di waar

Di waar laas fi faib mont ah hen ina blodi jraa. Di British 5,000 chruup ah milisha outnomba di Maruun ten tu wan, bot di mountn ah faris tapagrafi a Jumieka wid di iip a bush meki aidiil fi gerila waarfier. Di British aal afi impuot onjrid-ad blodoun ah deh anggla frah Kyuuba fi elp dem. Di Maruun sorenda di waar ina Disemba 1795.

Aftamat

Di chriiti sain ina Disemba bitwiin Mieja Jinaral Jaaj Walpuol (George Walpole) ah di Maruun liidadem extablish se di Maruun wuda beg pah deh nii fi di King fagivnis, ritoern aal sliev we runwe, ah rilokiet elswe ina Jumieka. Di gobna a Jumieka ratifai di chriiti, bot gi di Maruun onggl chrii die fi prizent demself fi beg fagivnis pah 1 Janiweri 1796. Sospishos a British intenshan, muos a di Maruun neh sorenda tel migl-Maach. Di British yuuz di kanchraiv briich a chriiti az priitex fi dipuot di wuola Chrilaani Tong Maruun gaa Nuova Skuosha. Afta fyuu ier di Maruun get dupuot agen tu di nyuu British seklment a Siera Lyuon ina Wes Afrika.

Bibliografi

• Campbell, Mavis C. The Maroons of Jamaica, 1655-1796. Trenton, NJ: Africa World Press. 1990.
• Craton, Michael. Testing the Chains: Resistance to Slavery in the British West Indies. Ithaca: Cornell University Press, 1982.
• Winks, Robin. The Blacks in Canada. Montreal: McGill-Queen’s University Press: 1971.
• R. C. Dallas, The History of the Maroons, From Their Origin to the Establishment of their Chief Tribe at Sierra Leone. 1803
• Bryan Edwards, History, Civil and Commercial, of the British Colonies in the West Indies. 1793.