Morant Bie Ribeliyan

Fram Wikipidia

Di Morant Bie Ribeliyan (Aktuoba 11, 1865) ah wehn wah pruotes gens di iip pavati iina Jamieka. Di kandishan did riili bad kaazn seh di majariti a di piipl dem weh get frii frah slievri kudn vuot, neh ah no lan ahn kuda bieli sovaiv. Fi mek it wos, dehn did a ekspiirans flod ahn smaal pax ahn wen a neh flodn, ah drout. Fyuu die bifuo di maach, wen poliis ena-chrai fi ares wah man fi disrop wah chrayal, fait brokout gens dem bai di spectietadem. Di ofishaldem deh ishu warant fi di ares a priicha Buogl, uu ena-kaal fi rifaam, ah deh chaaj im wid insaitment fi rayat.

Gobna Eduad Jan Ier eh-diklier mashalaa ina di ieria, an ih aada di chuupdem fi rondong di rebldem. Deh kil aaf nof inasent blak indivijual, ingkluudn uman ah pitni, wid inishal det tuol muo ah 400. Di chuupdem ares muo ah 300 smadi, ingkluudn Buogl. Nof a demya eh inasent tu bot deh chrai dem kuik-kuik ah exikiut dem anda mashalaa; buot man ah uman get ponish wid flagin ah lang sentans. Disya ena di muos sivier sopreshan a anres ina di ischri a di British Wes Indiz. Di Gobna mek deh ares Jaaj Wiliam Gaadn, wah mix-ries riprizentitiv a di parish ina di Ous a Asembli, ares im a Kinston ah kyaa im kum bak a Morant Bie, we ih chrai di palitishan anda mashalaa. Deh kuiktaim kanvik Gaadn ah exikyuut im.

Di voilent sopreshan ah nof exikyuushan jinariet raigin dibiet a Ingglan, wid som piipl a-protes uoba di ankanstityuushanal akshandem bai di gobna Jan Ier, wails adawandem a-priez im fi ih rispans tu kraisis. Di ribelian an i sopreshan rimien kanchovoershal, ah speshalis ina blak ah koluonial stodi noftaim dibiet uoba i.

Bakgrong[change up | change up di source]

Sliebri en ina Jumieka pah 1 Aagos 1834, wen deh paas di Sliebri Abalishan Ak 1833, an afta fuo ier a "prentisship", i wuda liid tu ful imansipieshan pah 1 Aagos 1838. Dis wena di diet wen fostaim slieb bikomps frii fi chais deh implaiment ah implaya. Pah piepa, fostaim slieb gien di rait fi vuot. Ousomeba, muos blak piipl rimien puor-puor, ah kudn miit no rikuayament fi pie di ai puol tax.

Di British papilieshan ina Jumieka, laka di Yuropiyandem ina adaels Kiaribiyan kalani, eh fried se masakraa ah voilens uda braadout laka daa gens di French ina di Ieshan Revaluushan wen di sliebdem uobachuo deh maasta ah achiiv indipendans ina 1804. So dwiin, di koluonial aatariti levi wah ai puol tax we dipraiv di majariti a blak Jumiekan a di rait fi vuot.

Kansikuens, di Britishdem eh fried se di masiv a blak Jumiekan, ex-slieb ah di puo, uda eh-raizop gens di Yuropiyan iliit, ah di fier pramp di aataklaps kaaz bai Ier ah di milisha ina di aftamat a di ribelian.

Tenshan ina di 1860z[change up | change up di source]

Juurin di 1864 ilekshan, less dah 2,000 blak Jumieka man eh elijibl fi vuot (no uman kudn eh-vuot deh taim) outa tuotal papilieshan a muo dah 436,000, we blak piipl outnomba wait bai riesho a 32:1. Praya tu di ribelian, kandishan a Jumieka enda-get wosara fi puo blak piipl. Ina 1864 a wuoliip a flod eh-ruin nof krap, wails 1865 maak di hen a wah deked wen di ailan eh-tekuoba bai plieg pah plieg a kalara ah sumaalpax. Wah tuu-ier jrout prisiidn 1865 mek ikamanik kandishan wosara fi nof a di papilieshan a faama sliev ah deh disendant. Wuoliip a bangkropsi eh-diklier ina di shuga indoschri, we kaaz laas a jab, ah di ikanamik vaid fi waidnout.

Tenshan bitwiin di wait faamadem ah ex-sliev ah deh disendant ingkriis, ah ruuma taat fi soerkiuliet mongx di friimandem se di wait plaantadem ena-gofi ristuor slievri. Gaadn kritisaiz fi Ier torobl ponishmentdem laka flagin ah chredmil fi soch kraim laka tiif fuud. Ih waan se "Ef wi afigo-goban bai soch Gobna fi moch langga, di piipl wi afi flai tu aamz ah ton self-gobna."

Ribelian ah rispans[change up | change up di source]

Aftamat[change up | change up di source]

Kansikuens a Britn[change up | change up di source]

Ina Jumieka[change up | change up di source]

Ier eh-riplies az gobna by Piita Jan Grant uu araiv ina Aagos 1866.

Legisi[change up | change up di source]

Di Ribelian ina papiula kolcha[change up | change up di source]