Jumieka, Lan Wi Lob

Fram Wikipidia

Jumieka, Lan Wi Lob a di taikl a di nashinal antem a Jumieka. Irait ina 1962 in taim fi Jumieka Independans frahn Britn wid lirix bai Hugh Sherlock, miuuzik bai Robert Lightbourne ahn arienj bai Mapletoft Poulle ahn ihn waif.

Ina Septemba 1961, dem anongs se di kampetishan fi di wodem a di Nashinal Antem uda joj fos. Di soksesful krips uda den poblish ana kantes fi di miuuzik fala. Nieli wan onjrid enchri fi di wodem sen iin.

Jaint Komitii a Paaliment rispans fi mek di fainal silekshan. Di membadem kudn grii bitwiin tuu pasibl chais tel Torzde Julai 19, 1962 wen di laaj majariti a di Ous, afta nof ranglin, apruuv di vorjan dehn wehn yie bifuo ina di labi az suutobl.

hItornal Faada, bles wi lan,
Giaad wi wid Dai maiti an,
Kip wi frii frahn hiivl powa,
Bi wi lait chruu kountles howa.
Tu wi Liidaz, Griet Difenda,
Grant chuu wizdam fram abov.
Jostis, Chuut fi wi fieba,
Jumieka, lan wi lob.
Jumieka, Jumieka, Jumieka, lan wi lob.
Laan wi chuu rispek fi haal,
Tor rispans tu juuti kaal,
Chrentn wi di wiik fi cherish,
Gi wi vijan les wi perish.
Nalij sen wi Ebnli Faada,
Grant chuu wizdam fram abov.
Jostis, Chuut fi wi fieba,
Jumieka, lan wi lob.
Jumieka, Jumieka, Jumieka, lan wi lob.

Kuod fi yuus a di Nashinal Antem[change up | change up di source]

Aal persn shuda tan atenshan, (i.e., iil tugiada) wen taim di Nashinal Antem plie ahn mandem shuda rimuuv dehn at.

Di fos vors a di Nashinal Antem shuda plie ar sing pahn di haraival a di Gobna-Jinaral ar di Praim Minista.

Di Nashinal Antem kyahn sing ar plie a poblik gyadarin.

Singin a di Nashinal Antem shuda faam paat a di sirimoni fi riez ahn lowa di flag a Indipendans silibrieshan ahn a di bignin ahn hen a torm ina skuul.