Tämä on suositeltu artikkeli

Paatikl fizix

Frahn Wikipidia
Jomp go a: navigieshan, saach

Paatikl fizix (aalso ai enaji fizix) a di branch a fizix we todi di niecha a di paatikldem we kanstityuut mata (paatikl wid mas) ah redieshan (masles paatikl). Alduo di wod "paatikl" kiah refa tu vierios taip a sumaal-sumaal abjek (e.g. pruotan, gias paatikl, ar iibm ousuol dos), "paatikl fizix" yuujali investigiet di irijuusebl sumaalis ditektebl paatikl ah di irijuusebl fondamental fuos fiil nesiseri fi hexplien dem. Bai wi korant andastanin, demaya elimenchri paatikl a exitieshan a di kuantom fiil we aalso goban deh intarakshan. Di korantli daminant tiori we explien demaya fondamental paatikl ah fiil, langsaida deh dainamix, kaal di Standad Magl. So, madan paatikl fizix jinarali investigiet di Standad Magl ah ivierios pasebl extenshan, e.g. tu di niuwis "nuo" paatikl, di Igz buoson, ar iibm tu di uolis nuo fuos fiil, graviti.