Myuuzik inschrument

Anne Vallayer-Coster, Attributes of Music, 1770. Daa stil laif pientin dipik varayati a French Baruok myuuzikal inschrument, laka nachral aan, chranzvoers fluut, muzet, voilin, ah luut.

Myuuzik inschrument a inschrument we kriet ar adap fi mek myuuzikal soun. Ina prinsipl, heni abjek we projuus soun kiah bi myuuzikal inschrument—a chuu di poerpos ou di abjek ton myuuzikal inschrument. Di ischri a myuuzikal inschrument diet frah di bignin a yuuman kolcha. Hoerli myuuzikal inschrument maita eh-yuuz fi richual, laka chompit fi signal sokses pah di hunt, ar jrom ina rilijos sirimoni. Kolcha ivenchual divelop kompozishan ah pofaamans a melodi fi entatienment. Myuuzikal inschrument ivalv ina tep wid chienjin aplikieshan.