Mieri Siikuol

Frahn Wikipidia
Jomp go a: navigieshan, saach
Mieri Siikuol
Seacole - Challen.jpg

Puochret a Mieri Siikuol c. 1869, bai Albert Charles Challen.[1][2]

Posnal infamieshan

Baan: 23 Novemba 1805
Ded: 14 Mie 1881
Nashinaliti: Jumiekan

Profeshnal infamieshan

Profeshan: noers, otelia, aata
Muuvment: waartaim yuumanitierian


Mieri Siikuol, (Mary Seacole, baan Mary Jane Grant)[3][4] 1805 – 14 May 1881) wena Jumiekan uman a Skatish ah Afrikan disent uu eh-setop wah "British Otel" biyain di lain juurin di Kraimian Waar, we shi eh-diskraib az "a mes-tiebl ah komfatebl kwaataz fi sik ah kanvalesent afisa," ah shi eh-provaid soko fi wuundid saabisman pah di baklfiil.[4] Shi eh-awaad postyuumos di Jumiekan Aada a Merit ina 1991. Ina 2004 shi eh-vuot di grietis blak Britn.[5]

Shi eh-akwaya nalij a oerbal medisn ina di Kiaribiyan. Wen di Kraimian Waar brokout, shi aplai tu di Waar Afis fi asis bot deh rifyuuz ar. Shi chrabl indipendantli ah setop ar otel ah asis baklfiil wuundid. Shi weh extriimli papiula mongx saabis poersonel uu riez moni fi ar wen shi fies destityuushan afta di waar.

Afta ar det, deh figat bout ar fi liklmuos a senchri, bot tide shi selibriet az wah uman uu soksesfuli kombat rieshal prejiudis.[6] Ar bayagrafi, Wandaful Advencha a Mischris Siikuol ina Nof Lan (Wonderful Adventures of Mrs. Seacole in Many Lands, 1857), a wan a di hoerlies aatobayagrafi a wah mix-ries uman, alduo kuestian riez bout soh aspek a iakiuresi. Soh kritik kliem se dat fi Siikuol achiivmentdem eh-egzajariet fi palitikal riizn[7] ah plan fi irek wah statiu a ar a Sin Tamas Aspital, Landan, we diskraib ar az a "payanier noers",[8] jinariet nof kas-kas.[9][10] Foerda kanchrovoersi brokout ina di Yunaitid Kindom liet ina 2012 uoba ripuot a propuozal fi rimuuv ar frah di konchri Nashinal Korikiulom.[11]

Referens[edit | edit suos]

  1. Portrait of Mary Jane Seacole (née Grant), by Albert Charles Challen, c.1869, National Portrait Gallery; Lost portrait of Mary Seacole discovered, National Portrait Gallery, published 10 January 2005.
  2. NPG Collection
  3. "Mixed Historical Figures." MixedFolks: 2003. Nuoroda tikrinta 30 March 2008.
  4. 4.0 4.1 Elizabeth Anionwu (2006). "About Mary Seacole." Thames Valley University. Nuoroda tikrinta 30 March 2008.
  5. "Nurse named greatest black Briton", BBC News, 10 February 2004.
  6. Who's Who in British History, p. 715.
  7. "The black Florence Nightingale and the making of a PC myth: One historian explains how Mary Seacole's story never stood up", Mail Online, 31 December 2012.
  8. Mary Seacole Memorial Statue Appeal.
  9. Natasha McEnroe, "Beyond the Rivalry: Florence Nightingale and Mary Seacole", History Today, 3 September 2012.
  10. Lynn McDonald, "Comment is free: Statue of 'nurse' Mary Seacole will do Florence Nightingale a disservice", The Guardian, 8 June 2012.
  11. "Michael Gove dumps Mary Seacole", OBV, 2 January 2013.