Tämä on suositeltu artikkeli

Lionaado da Vinchi

Frahn Wikipidia
Jomp go a: navigieshan, saach
Lionaado da Vinchi
Leonardo self.jpg

Self puochret

Posnal infamieshan

Baan: 15 Iepril 1452
Ded: 2 Mie 1519
Nashinaliti: Italian

Profeshnal infamieshan

Profeshan: Sayantis, matimatishan, injinier, inventa, anatomis, pienta, skolpta, aachitek, batanis, myuuzishan ah raita
Muuvment: Renesans

Lionaado da Vinchi (Italian, Leonardo di ser Piero da Vinci) kamanli nuo az Leonardo da Vinci (15 Iepril 1452 – 2 Mie 1519), wena wah Italian big brienz, far ih ena sayantis, matimatishan, injinier, inventa, anatomis, pienta, skolpta, aachitek, batanis, myuuzishan ah raita. Lionaado muotaim diskraib az di aakitaip a di Renesans man, man uufa hankuenchobl kiuriasiti hiikual onggl bai ih powa a hinvenshan. Nof smadi kansida im fi bi wan a di grietis pienta a aal taim ah pasobl di smadi wid di muos divoers talent pah oert.

Baan az di outsaid son a wah nuotari, Piero da Vinchi, wid wah pezant uman, Kiatariina, a Vinchi ina di Flarens riijan, Lionaado hedikiet ina di styuudio a di renoun Flarentiin pienta, Verochio. Nof a ih hoerlia wokin laif eh-spen ina di saabis a Ludoviko il Moro a Milan. Ih lieta wok a Ruom, Bolonia ah Venis ah spen ih laas ierdem a Frans, a di yaad King Frahsua I giim.

Lionaado bes nuo az pienta. Tuu a ih wok, di Muona Liisa ah Di Laas Sopa, a di muos fiemos, muos riprojuus ah muos parodi puochret ah rilijos pientin a aal taim, deh fiem apruoch onggl bai fi Mikelanjelo Krieshan a Adam. Lionaado jraayn a di Vichruuvian Man azwel rigyaad az kolcharal aikan, riprojuus pah ebriting frah di Yuuro tu texbuk tu t-shot. Praps fiftiin a ih pientin sovaiv, di sumaal amount juu tu ih kanstant, ah friikuent dizaaschros, experimentieshan wid nyuu tekniik, ah ih kranik pruokrastinieshan. Nebadiles, deh fyuu wok, tugiada wid ih nuotbukdem, we kantien jraayn, sayantifik dayagram, ah ih taatdem pah di niecha a pientin, kompraiz kanchribyuushan tu lieta jinarieshan a aatis onggl raival bai fiih kantempareri, Mikelanjelo.



Commons
Wikimedia Commons ab midia rilietid tu: Lionaado da Vinchi.