Frejrik Shuopah

Demya piej ya a fi wah nesiseri aatikl.
Fram Wikipidia

Frejrik Shuopah

Posnal infamieshan

Baan: 1 Maach 1810
Ded: 17 Aktuoba 1849
Nashinaliti: Puolish

Profeshnal infamieshan

Profeshan: myuuzishan


Frejrik Shuopah adawaiz nuo az Frédéric Chopin, 1 Maach 1810 – 17 Aktuoba 1849, wena kompuoza ah voerchuoso pianis a di Yuropiian Ruomantik piiriad. Ih wel rigyaad az di grietis Puolish kompuoza, ah wan a di grietis tuon puoyt ina myuuzik.

Shuopah baan ina di vilij a Żelazowa Wola, ina di Dochi a Waarsaa, tu ih Puolish mada ah French-expiechriet faada, ah ina ih hoerli laif ih rigyaad az chail-pradiji pianis. Ina Novemba 1830, a hiej tuenti, ih go a farin; afta di sopreshan a di Puolish Novemba Opraizn a 1830–1831, ih ton wan a di nof expiechriet a di Puolish "Griet Emigrieshan."

A Paris, Shuopah mek a komfatebl libm az kompuoza ah piano tiicha, siem taim im a-gi wan-ah-tuu poblik pofaamans. Duo im a haadent Puolish piechriat, ina Frans ih yuuz di French voerjan a ih niemdem ah hivenchual, fi avaid afi rilai pah hImpiirial Roshan dakiument, ton French sitizn. Afta bad-lokid ruomantik invalvment wid sohn Puolish uman, frah 1837 tu 1847 ih de ina wan piis a torbiulent rilieshanship wid di French raita Jaaj San (Aurore Dudevant). Aazwie ina friel elt, ih ded a Paris ina 1849, a di iej a toti-nain, frah kranik pulmaneri tiubakulosis.

Shuopah hextant kompozishandem rait praimeri fi di piano az suolo inschrument. Duo deh teknikali dimaandin, ih stail emfasaiz nuans ah hexpresiv dep. Shuopah hinvent myuuzikal faam laka di balaad ah ih weh rispans fi mieja hinovieshan ina faam laka piano sonaata, waals, naktoern, etyuud, impramtyuu ah priilyuud. Ih wokdem a fongdieshan ah maastapiis a Ruomantisizim ina 19t-senchri klasikal myuuzik.

Commons
Commons
Wikimedia Commons ab midia rilietid tu: Frejrik Shuopah.