Fikshan

Demya piej ya a fi wah nesiseri aatikl.
Fram Wikipidia

Iloschrieshan frah Luuwis Kiaral Alis Advencha ina Wandalan, a-dipik di fikshanal pruotaganis, Alis, a-plie wah fantastikal giem a kruoke.

Fikshan a di klasifikieshan fi heni tuori we kriet bai di imajinieshan,[1][2] reda dah wa bies schrikli pah ischri ar fak.[3] Braadli spiikin, fikshan maita diskraib no jos wah klaas a naritiv, bot azwel eni piipl, plies, ivent, ar midia kantent diraiv frah imajinieshan.</ref> Fikshan kiah expres ina varayati a faamat, ingkluudn raitn, laiv pofaamans, flim, telivijan pruogram, vidio giem, ah ruol-plieyn giem, duo di toerm arijinali ah muos kamanli refa tu di mieja naritiv faam a lichicha,[4] ingkluudn di navl, novela, shaat tuori, ah plie. Fikshan kanstityuut wah ak a krietiv invenshan, so dat fietfulnis tu rialiti no kiah tipikali asyuum;[5] put wah nex wie, fikshan kiah no expek fi prizent onggl kiarakta uu a akchual piipl ar diskripshan we fakchuali chuu. Di kantex a fikshan jinarali opm fi intoerpritieshan, juu tu fikshan friidom frah heni nesiseri kanekshan ina rialiti;[6] ousomeba, som fikshanal wok a-kliem fi bi, ar maakit az, istarikali ar fakchuali akiuret, so kamplikietop di chradishanal distingshan bitwiin fikshan ah nan-fikshan.[7] Fikshan a klasifikieshan ar kiatigari, reda dah wah spisifik muod ar jaahra, anles iyuuz ina narawa sens az sinonim fi wah potikiula litareri fikshan faam.

Refrans[change up | change up di source]

  1. "fiction." Merriam-Webster.com. Merriam-Webster, Incorporated. 2015.
  2. Sageng, Fossheim, & Larsen (eds.) (2012). The Philosophy of Computer Games. Springer Science & Business Media. pp. 186-187.
  3. William Harmon and C. Hugh Holman A Handbook to Literature (7th edition). New York: Prentice Hall, 1990, p. 212.
  4. "Definition of 'fiction' Archived 2022-08-27 at the Wayback Machine." Oxford English Dictionaries (online). Oxford University Press. 2015.
  5. Farner, Geir, Literary Fiction: The Ways We Read Narrative Literature, Bloomsbury Publishing. (2014)
  6. Culler, Jonathan. Literary Theory: A Very Short Introduction.2000. Oxford University Press. "Non-fictional discourse is usually embedded in a context that tells you how to take it: an instruction manual, a newspaper report, a letter from a charity. The context of fiction, though, explicitly leaves open the question of what the fiction is really about. Reference to the world is not so much a property of literary [i.e. fictional] works as a function they are given by interpretation."
  7. Iftekharuddin, Frahat (ed.). (2003). The Postmodern Short Story: Forms and Issues. Greenwood Publishing Group. p. 23.