Tämä on suositeltu artikkeli

Feminizim

Frahn Wikipidia
Jomp go a: navigieshan, saach
Intanashinal Uman Die rali ina Daka, Bangladesh, pah 8 Maach 2005, aaganaiz bai di Nashinal Uman Woka Chried Yuunian Senta

Feminizim a wah rienj a palitikal muuvment, aidialaji, ah suoshal muuvment we shier wah kaman guol: fi difain, extablish, ah achiiv iikual palitikal, ikanamik, poersnal, ah suoshal raits fi uman.[1][2] Dis ingkluud fi siik fi extablish iikual apachuniti fi uman ina edikieshan ah implaiment. Feminis tipikali advokiet ar supuot di raits ah ikualiti a uman.[3]

Feminis muuvment eh-kiampien ah kantiniu fi kiampien fi uman raits, ingkluudn di rait fi vuot, fi huol poblik afis, fi wok, fi hoern fier wiejiz ar iikual pie, fi uon prapati, fi risiiv edikieshan, fi henta kanchrak, fi ab iikual raits widin marid, ah fi get matoerniti liiv. Feminis eh aalso wok fi promuot badili aatanami ah intgriti, ah fi protek uman ah gial frah riep, sexyual arasment, ah domestik voilens.[4]

Feminis kiampien jinarali kansida fi bi wan a di mien fuos biyain mieja istarikal sasayatal chienj fi uman raits, potikiula ina di Wes, we deh nieli-yunivoersali kredit fi don-achiiv uman sofrij, jenda nyuuchraliti ina Ingglish, riprodoktiv raits fi uman (ingkluudn axes tu kanchraseptiv ah supuot fi di liigalizieshan a abaashan), ah di rait fi henta ina kanchrak ah uon prapati.[5] Alduo feminis advokesi eh-mienli ah stil fuokos pah uman raits, som feminis, ingkluudn bell hooks, aagiu fi di ingkluujan a man libarieshan widin ihiem bikaa di mandem azwel get aam bai chradishanal jenda ruol.[3] Feminis tiori, we eh-imoerj frah feminis muuvment, iem fi andastan di niecha a jenda inikualiti bai egzamin uman suoshal ruol ah laif expiirians; iweh-divelop tiori ina difrah-difrah disiplin so ikiah iebl rispan tu ishu laka di suoshal kanschrokshan a jenda.[6][7]

Som faam a feminizim eh-get kritsaiz fi tek akount a onggl wait, migl-klaas ah edikietid pospektiv. Dis kritisizim eh-liid tu di krieshan a etnikali spisifik ar soh moltikolchral faam a feminizim, ingkluudn blak feminizim ah intasekshanal feminizim.[8]

Refrans[edit | edit suos]

  1. Hawkesworth, M.E. (2006). Globalization and Feminist Activism. Rowman & Littlefield. pp. 25–27. ISBN 9780742537835. 
  2. Beasley, Chris. (1999). What is Feminism?. New York: Sage. pp. 3–11. ISBN 9780761963356. 
  3. 3.0 3.1 hooks, bell (2000). Feminism Is for Everybody: Passionate politics. Cambridge, Mass.: South End Press. ISBN 0-89608-629-1
  4. Echols, Alice (1989). Daring to Be Bad: Radical Feminism in America, 1967–1975. Minneapolis: University of Minnesota Press. ISBN 0-8166-1787-2. 
  5. Messer-Davidow, Ellen (2002). Disciplining Feminism: From Social Activism to Academic Discourse. Durham, N.C.: Duke University Press. ISBN 0-8223-2843-7. 
  6. Chodorow, Nancy (1989). Feminism and Psychoanalytic Theory. New Haven, Conn.: Yale University Press. ISBN 978-0-300-05116-2. 
  7. Gilligan, Carol (1977). "'In a Different Voice: Women's Conceptions of Self and Morality'". Harvard Educational Review 47 (4): 481–517. http://eric.ed.gov/ERICWebPortal/custom/portlets/recordDetails/detailmini.jsp?_nfpb=true&_&ERICExtSearch_SearchValue_0=EJ174986&ERICExtSearch_SearchType_0=no&accno=EJ174986. Retrieved 8 June 2008 
  8. Weedon, Chris (2002). "Key Issues in Postcolonial Feminism: A Western Perspective". Gender Forum (1)