Tämä on suositeltu artikkeli

Suoshal muuvment

Frahn Wikipidia
Jomp go a: navigieshan, saach

Suoshal muuvment a wah taip a gruup akshan. Dem a laaj, sohtaim infaamal, gruupin a indivijal ar aaganizieshan we fuokos pah spisifik palitikal ar suoshal ishu. Ina ada wod, deh kiari out, rizis, ar andu suoshal chienj.

Madan Westan suoshal muuvment eh-bikom pasebl chuu edikieshan (di waida diseminieshan a lichicha) ah ingkriis mobiliti a lieba juu tu di indoschrializieshan ah oerbanizieshan a 19t senchri sasayati.[1] Deh sohtaim aagiu se di friidam a expreshan, edikieshan ah relitiv ikanamik indipendans privalent ina di madan Westan kolcha rispans fi di anprisident nomba ah skuop a vierios kantempareri suoshal muuvment. Ousomeba, adawandem paint out se nof a di suoshal muuvment a di laas onjrid ier gruo op, laka di Mau Mau ina Kenia, fi opuoz Westan koluonializim. Aida wie, suoshal muuvment eh kluosli kanek ah kantiniu siem wie wid dimokratik palitikal sistim. Okiejanali, suoshal muuvment eh-invalv ina dimokrataizin nieshan, bot muotaim deh florish afta dimokratizieshan. Uoba di paas 200 ier, deh eh-bikom paat a papila ah gluobal expreshan a disent.[2]

Madan muuvment noftaim yuutilaiz teknalaji ah di intanet fi muobilaiz piipl gluobali. Kaman tiim a fi adap tu komiunikieshan chren mongx soksesful muuvment. Risaach a-bigin fi expluor ou advokesi aaganizieshan lingk tu suoshal muuvment ina di Yunaitid Stiet[3] ah Kianada[4] yuuz suoshal miidia fi fasilitiet sivik ingiejment ah kalektiv akshan. Di sistimatik lichicha rivyuu a Buettner & Buettner analaiz di ruol a Tuita juurin a waid rienj a suoshal muuvment (2007 WikiLiik, 2009 Molduova, 2009 Aschrian schuudent pruotes, 2009 Izrel-Gaaza, 2009 Iran griin revaluushan, 2009 Taranto G20, 2010 Venizuela, 2010 Joermani Stutgaat21, 2011 Iijip, 2011 Ingglan, 2011 US Akiupai muuvment, 2011 Spien Indignados, 2011 Griis Aganaktismenoi muuvment, 2011 Itali, 2011 Wiskansn lieba pruotes, 2012 Izrel Hamas, 2013 Brazil Viniga, 2013 Toerki).[5]

Palitikal sayans ah suosialaji eh-divelop a varayati a tiori ah impirikal risaach pah suoshal muuvment. Fi egzampl, som risaach ina palitikal sayans ailait di rilieshan bitwiin papila muuvment ah di faamieshan a nyuu palitikal paati azwel fi diskos di fongshan a suoshal muuvment ina rilieshan tu ajenda setn ah influens pah palitix.

Refrans[edit | edit suos]

  1. Weinberg, 2013
  2. Tilly, 2004
  3. Obar, Jonathan (2012). "Advocacy 2.0: An Analysis of How Advocacy Groups in the United States Perceive and Use Social Media as Tools for Facilitating Civic Engagement and Collective Action". Journal of Information Policy. http://papers.ssrn.com/sol3/papers.cfm?abstract_id=1956352. 
  4. Obar, Jonathan. "Canadian Advocacy 2.0: A Study of Social Media Use by Social Movement Groups and Activists in Canada." Nuoroda tikrinta 27 April 2013.
  5. Template:Cite conference