Enri Maagan

Fram Wikipidia
Jump to navigation Jump to search
Enri Maagan
Morgan,Henry.jpg

Posnal infamieshan

Baan: c. 1635 ina Llanrhymny, Glamorgan, Wales
Ded: 25 Aagos 1688 ina Lawrencefield, Jumieka
Nashinaliti: Welsh

Profeshnal infamieshan

Profeshan: Praivitier, lanuona ah Leftenant Gobna

Sar Enri Maagan (Ingglish: Henry Morgan, Welsh: Harri Morgan, c. 1635 – 25 Aagos 1688) ena wah Welsh praivitier, lanuona ah, lieta, Leftenant Gobna a Jumieka. Fran ih bies ina Puot Rayal, Jumieka, ih ried seklment ah shipin pah di Panish Mien, ah get welti bai so dwiin. Wid di praiz moni frah di rieddem ih poerches chrii singkuma shuga plantieshan pah di ailan.

No moch no nuo bout Maagan oerli laif. Ih weh-baan a Manmoutsha, bot nobadi no nuo ou ih riich a Wes Indiz, ar ou ih taat ih karier az praivitier. Praabli ih kuda eh memba a wah gruup a rieda liid bai Sar Kristifa Mings ina di oerli 1660z juurin di Angglo-Panish Waar. Maagan koh-koh ton pasiero wid Sar Tamas Madifod, do Gobna a Jumieka. Wen diplomatik rilieshan bitwiin di Kingdam a Ingglan ah Spien get wosa ina 1667, Madifod gi Maagan leta a maark, laisn fi atak ah siiz Panish vesl. Sobsikuent Maagan kandok soxesful ah moch luukrativ ried pah Puoto Prinsipe (nou Kamague ina madan Kyuuba) ah Puoto Belo (nou Puotobelo ina madan Panamaa). Ina 1668 ih siel fi Marakaibo ah Jibralta, buot pah Liek Marakaibo ina madan die Venizuela. Ih ried buot siti ah luut out aal a deh welt bifuo ih dischrai wah singkuma Panish skuajran siehtaim ih exkiep.

Ina 1671 Maagan atak Panamaa Siti. Ih eh-lan pah di Kiaribiyan kuos ah kraas di ismos bifuo ih atak di siti we de pah di Pasifik kuos. Di bakl wena wan elaba huol-dong-tek-we, alduo di praivitierdem prafit les dan ina adaels ried. Fi apiiz di Panish, far di Ingglish eh-sain piis chriiti wid dem, dem ares Maagan ah samanz im fi go a Landan ina 1672, bot di kaman piipl, ah gobament liidadem ah rayalti, aal Chaalz II im, chriit im az iiro.