Tämä on suositeltu artikkeli

Vejitebl

Frahn Wikipidia
Jomp go a: navigieshan, saach
Vejitebl ina maakit ina di Filipiinz

Ina ebridie yuusij, vejitebl a heni paat a plaant we kansyuum bai yuuman az fuud fi paat a wah sievari miil. Di toerm "vejitebl" somwat aabichreri, ah laajli difain chuu kolineri ah kolchral chradishan. Inaamali exkluud ada fuud diraiv frah plaant laka fruut, not ah siirial grien, bot ingkluud siid laka pols. Di arijinal miinin a di wod vejitebl, stil yuuz ina bailoji, weh fi diskraib aal taip a plaant, laka ina di toerm "vejitebl kindom" ah "vejitebl mata".

Arijinali, vejitebl eh-kalek frah bush bai onta-giadara ah enta koltivieshan ina sebral paat a di wol, prababli juurin di piiriad 10,000 BKE tu 7,000 BKE, wen nyuu agrikolchral wie a laif eh-divelop. Fos ting, plaant we gruo luokali wuda eh-koltiviet, bot az taim gwaan, chried kyaa egzatik krap koh frah elswe fi had tu domestik taipdem. Nowadiez, muos vejitebl gruo aal uoba di wol az ou klaimit pomit, ah krop kiah koltiviet ina protek invairament ina les suutebl lokieshan. Chaina a di laajis projuusa a vegitebl, ah gluobal chried ina agrikolchral prodok lou kansyuuma fi poerchis vejitebl we eh-gruo ina for-for konchri. Di skiel a prodokshan vieri frah sobsistans faama we soplai di niid a deh fambili fi fuud, tu agribiniz wid singkuma iekrij a singgl-prodok krap. Dipen pah di taip a vejitebl kansoern, aavis a di krap fala bai griedin, stuorin, pruosesin ah maakitin.