Jump to content

Sexyuali chanzmitid infekshan

Demya piej ya a fi wah nesiseri aatikl.
Fram Wikipidia

Puosta frah di hAfis fi Imoerjensi Manijment, hAfis a Waar Infamieshan, 1941-1945

Sexyuali chanzmitid infekshan (STI), aalso refa tu az sexuali chanzmitid diziiz (STD) ah veniirial diziiz (VD), a infekshan we kamanli pred chuu sex, espeshali vajainal intakuos, ienal sex ah uoral sex. Muos STI inishal no kaaz no simtam.[1] Dis rizolt ina grieta rix fi paasaan di diziiz tu adawandem.[2][3] Simtam ah sain a diiziz kiah ingkluud vajainal dischaaj, piinail dischaaj, olsa pan ar rong di jenital, ah pelvik pien. STI we akwaya bifuo ar juurin boert kiah rizolt ina puor outkom fi di biebi. Som STI kiah kaaz prablem wid di abiliti fi get prignant.[1]

Muo dah 30 difrah baktiiria, vairos, ah parasait kiah kaaz STI.[1] Baktiirial STI ingkluud klamidia, ganariya, ah sifilis mongx adaels wan. Vairal STI ingkluud jenital oerpiiz, HIV/AIDS, ah jenital waat mongx adaels wan. Parasitik STI ingkluud chrikomuoniasis mongx adaels wan. Wails deh yuujali pred bai sex, som STI kiah azwel pred chuu nan-sexyual kantak wid kantaminietid blod ah tishu, bresfiidn, ar juurin chailboert.[1] STI dayagnastik tesdem hiizi avielebl ina di divelop wol, bot dis noftaim a no di kies ina di divelopin wol.[1]

Di muos ifektiv wie fi privent STI a fi no ab sex.[4] Som vaxinieshan kiaa aalso dikriis di rix a soertn infekshan ingkluudn epataitis B ah som taip a HPV.[4] Siefa sex praktis laka di yuus a kandom, fi ab sumaala nomba a sexyual paadna, ah fi de ina rilieshanship we iich poersn onggl ab sex wid die di adawan aalso dikriis di rix.[1][4] Sorkomsijan ina miel kiah bi ifektiv fi privent som infekshan.[1] Muos STI kiah chriit ar kyuor.[1] Outa di muos kaman infekshan, sifilis, ganariya, klamidia, chrikomuoniasis deh kyuorebl, wails oerpiiz, epataitis B, HIV/AIDS, ah HPV kiah chriit bot deh no kyuorebl.[1] Rizistans tu soertn antibayatik a-divelop mongx som aaganizim laka ganariya.[5]

Ina 2008, iweh-estimiet se dat 500 milian piipl eh-infek wid aida sifilis, ganariya, klamidia ar chrikomuoniasis.[1] Akliis wah adishanal 530 milian piipl gat jenital oerpiiz ah 290 milian uman ab yuuman papiluomavairos.[1] STI ada dah HIV rizolt ina 142,000 det ina 2013.[6] Ina di Yunaitid Stiet deh eh-ab 19 milian nyuu kies a sexyuali chanzmitid infekshan ina 2010.[7] Istarikal dakiumentieshan a STI diet bak tu akliis di Ebers papairos frah rong 1550 BKI ah di Uol Testiment.[8] Muotaim shiem ah stigma asosiet wid demaya infekshan.[1] Di toerm sexyuali chanzmitid infekshan jinarali prefa uoba di toerm sexuuali chanzmitid diziiz ah veniirial diziiz, az ihingkluud demde uu no gat no simtomatik diziiz.[9]

Refrans

[change up | change up di source]
  1. ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 "Sexually transmitted infections (STIs) Fact sheet N°110." November 2013. Nuoroda tikrinta 30 November 2014.
  2. ↑ Medical microbiology (7th ed.). St. Louis, Mo.: Mosby. 2013. p. 418. ISBN 9780323086929. https://books.google.com/books?id=RBEVsFmR2yQC&pg=PA418. 
  3. ↑ Goering, Richard V. (2012). Mims' medical microbiology. (5th ed.). Edinburgh: Saunders. p. 245. ISBN 9780723436010. https://books.google.ca/books?id=pzQayLEQ5mQC&pg=PA245. 
  4. ↑ 4.0 4.1 4.2 "How You Can Prevent Sexually Transmitted Diseases." November 5, 2013. Nuoroda tikrinta 5 December 2014.
  5. ↑ Centers for Disease Control and Prevention, (CDC) (10 August 2012). "Update to CDC's Sexually transmitted diseases treatment guidelines, 2010: oral cephalosporins no longer a recommended treatment for gonococcal infections.". MMWR. Morbidity and mortality weekly report 61 (31): 590–4. PMID 22874837. 
  6. ↑ GBD 2013 Mortality and Causes of Death, Collaborators (17 December 2014). "Global, regional, and national age-sex specific all-cause and cause-specific mortality for 240 causes of death, 1990-2013: a systematic analysis for the Global Burden of Disease Study 2013.". Lancet 385 (9963): 117–71. Template:Citation error. PMID 25530442. 
  7. ↑ "STD Trends in the United States: 2010 National Data for Gonorrhea, Chlamydia, and Syphilis." Centers for Disease Control and Prevention. Nuoroda tikrinta 15 September 2012.
  8. ↑ Gerd Gross, Stephen K. Tyring (2011). Sexually transmitted infections and sexually transmitted diseases. Heidelbergh: Springer Verlag. p. 20. ISBN 9783642146633. https://books.google.com/books?id=AnoGccgd7yQC&pg=PR20. 
  9. ↑ Organization, World Health (2003). Guidelines for the management of sexually transmitted infections. Geneva: World Health Organization. p. vi. ISBN 9241546263. http://applications.emro.who.int/aiecf/web79.pdf. 
Fram "https://jam.wikipedia.org/w/index.php?title=Sexyuali_chanzmitid_infekshan&oldid=20710"