Kiapasita

Kiapasita (arijinali nuo az kandensa) a wah pasiv tuu-toerminal ilekchikal kompuonent yuuz fi stuor ilekchikal enaji temparerili ina wah ilekchik fiil. Di faam a praktikal kiapasita vieri wuoliip, bot aal a dem kantien akliis tuu ilekchikal kandokta (pliet) we separiet bai a dayilekchik (dat a wah insiulieta we kiah stuor enaji bai bikom puolaraiz). Di kandokta kiah bi tin flim, fail ar sinta biid outa metal ar kandoktiv ilekcholait, esechra. Di nankandoktin dayilekchik ak fi ingkriis di kiapasita chaaj kiapasiti. Matiirial kamanli yuuz az dayilekchik ingkluud glaas, siramik, plastik flim, ier, vakyuom, piepa, maika, ah axaid lieya. Kiapasita yuuz waidli az paat a ilekchikal soerkit ina nof kaman ilekchikal divais. Nolaik rizista, haidiil kiapasita no disipiet no enaji. Steda dat kiapasita stuor enaji ina di faam a wah ilekchostatik fiil bitwiin ituu pliet.