Tämä on suositeltu artikkeli

Kalara

Frahn Wikipidia
Jomp go a: navigieshan, saach
Skianin ilekchran maikroskuop imij a Vibrio cholerae

Kalara a wah infekshan a di sumaal intestin bai som schrien a di baktiiria Vibrio cholerae.[1] Simtom maita rienj frah non, tu mail, tu sivier.[2] Di klasik simtom a nof-nof waatari-waatari dayariya we laas fi fyuu die.[3] Vamitin  ah mosl kramp kiah aalso okor.[2] Dayariya kiah so sivier tel iliid widin howaz tu sivier dyaijrieshan ah ilekcholait imbalans.[3] Dis kiah rizolt ina singkdong yai, kuol kin, dikriis kin ilastisiti, ah ringklin a di an ah futdem.[4] Di dyaijrieshan kiah rizolt ina di kin ton bluwish.[5] Simtom taat tuu howa tu faib die afta expuoja.[2]

Kalara kaaz bai a nomba a taip a Vibrio cholerae, wid som taip we projuus muo sivier diziiz dah som. Ipred muosli bai waata ah fuud we kantaminiet wid yuuman fiisiz we kantien di baktiiria.[3] Insofishant kukin a siifuud a wah kaman suos.[6] Yuuman a di onggl animal we afek. Rix fakta fi di diziiz ingkluud puor sanitieshan, insofishant kliin jingkin waata, ah pavati. Nof piipl kansoern se raizin sii lebl wi ingkriis riet a diziiz.[3] Kalara kiah dayagnuoz bai a stuul tes.[3] Wah rapid dipstik tes avielobl bot ino az akiuret.[7]

Privenshan invalv impruuv sanitieshan ah axes tu kliin waata.[4] Kalara vaxiin we tek bai mout provaid riiznebl protekshan fi bout six mont. Deh ab di hadid benifit fi protek gens waneda taip a dayariya we kaaz bai E. coli. Di praimri chriitment a uoral ryaijrieshan terapi—di ripliesment a fluid wid slaitli swiit ah saalti saluushan.[3] Rais-bies saluushan prefarebl.[3] Zingk soplimentieshan  yuusful wid pitni.[8] Ina sivier kies, inchaviinos fluid, laka Ringer's lactate, maita rikwaya, ah antibayatik kiah benifishal. Tesin fi si ush antibayatik di kalara soseptibl tu kiah elp gaid di chais.[2]

Kalara afek estimietid 3–5 milian piipl wolwaid ah kaaz 58,000–130,000 det a ier az a 2010.[3][9] Wails ikorantli klasifai az a pandemik, irier ina di divelop wol. Pitni a di wandem muosli afek.[3][10] Kalara okor az buot outbriek ah kranikali ina soertn ieria. Ieria wid angwain rix a diziiz ingkluud Afrika ah sout-iis Ieja. Wails di rix a det mongx demde we afek yuujali les dah 5%, ikiah bi az ai az 50% mongx som gruup we no ab no axes tu chriitment.[3] Istarikal diskripshan a kalara eh-fain az hoerli az di 5f senchri BKI ina Sanskrit.[4] Di todi a kalara bai John Snow bitwiin 1849 ah 1854 eh-liid tu signifikant advans ina di fiil af epidiimialaji.[4][11]

Refrans[edit | edit suos]

  1. "Medical microbiology." Nuoroda tikrinta July 2015.
  2. 2.0 2.1 2.2 2.3 "Cholera - Vibrio cholerae infection Information for Public Health & Medical Professionals." January 6, 2015. Nuoroda tikrinta 17 March 2015.
  3. 3.0 3.1 3.2 3.3 3.4 3.5 3.6 3.7 3.8 3.9 "Cholera vaccines: WHO position paper.". Weekly epidemiological record 13 (85): 117–128. Mar 26, 2010. PMID 20349546. http://www.who.int/wer/2010/wer8513.pdf. 
  4. 4.0 4.1 4.2 4.3 Harris, JB; LaRocque, RC; Qadri, F; Ryan, ET; Calderwood, SB (30 June 2012). "Cholera.". Lancet 379 (9835): 2466–76. Template:Citation error. PMID 22748592. 
  5. Bailey, Diane (2011). Cholera (1st ed.). New York: Rosen Pub.. p. 7. ISBN 9781435894372. https://books.google.com/books?id=7rvLPx33GPgC&pg=PA7. 
  6. "Sources of Infection & Risk Factors." November 7, 2014. Nuoroda tikrinta 17 March 2015.
  7. "Diagnosis and Detection." February 10, 2015. Nuoroda tikrinta 17 March 2015.
  8. "Cholera - Vibrio cholerae infection Treatment." November 7, 2014. Nuoroda tikrinta 17 March 2015.
  9. "Global and regional mortality from 235 causes of death for 20 age groups in 1990 and 2010: a systematic analysis for the Global Burden of Disease Study 2010". Lancet 380 (9859): 2095–128. December 15, 2012. Template:Citation error. PMID 23245604. 
  10. "Cholera - Vibrio cholerae infection." October 27, 2014. Nuoroda tikrinta 17 March 2015.
  11. Timmreck, Thomas C. (2002). An introduction to epidemiology (3. ed.). Sudbury, Mass.: Jones and Bartlett Publishers. p. 77. ISBN 9780763700607. https://books.google.com/books?id=yyrbKemADL4C&pg=PA77. 
Commons
Wikimedia Commons ab midia rilietid tu: Kalara.