Tämä on suositeltu artikkeli

Jiotoermal ilekchrixiti

Frahn Wikipidia
Jump to navigation Jump to search

Krafla, jiotoermal powa stieshan ina Aislan
Konchri wid instaal an/ar divelopin jiotoermal powa prajek

Jiotoermal ilekchrixiti a ilekchrixiti jinariet bai jiotoermal enaji. Teknalaji ina yuus ingkluud jrai stiim powa stieshan, flash stiim powa stieshan ah bainari saikl powa stieshan. Jiotoermal ilekchrixiti jinarieshan korantli yuuz ina 24 konchri,[1] wails jiotoermal iitin ina yuus ina 70 konchri.[2]

Az a 2015, wolwaid jiotoermal powa kiapasiti amount tu 12.8 gigawat (GW), outa we 28 posent ar 3,548 megawat instaal ina di Yunaitid Stiet. Intanashinal maakit eh-gruo a avrij anyual riet a 5 posent uoba di laas chrii ier ah gluobal jiotoermal powa kiapasiti expek fi kech 14.5–17.6 GW bai 2020.[3] Bies pah korant jiolajik nalij ah teknalaji, di Jiotoermal Enaji Asosieshan (GEA) estimiet se onggl 6.5 posent a tuotal gluobal potenshal don-tap optel nou, wails di IPCC ripuot jiotoermal powa potenshal fi bi ina di rienj a 35 GW tu 2 TW.[2] Konchri we jinariet muo dah 15 posent a deh ilekchrixiti frah jiotoermal suos ingkluud El Salvaduor, Kenia, di Filipiinz, Aislan ah Kasta Riika.

Jiotoermal powa kansida fi bi a sostienebl, rinyuebl suos a enaji bikaa di iit exchrakshan so sumaal kompier wid di Oert iit kantent.[4] Di griinous gias imishan a jiotoermal ilekchrik stieshan a pah avrij 45 gram a kaaban dayaxaid po kilowat-owa a ilelchrixiti, ar les dah 5 posent a wa kanvenshanal kuol-faya plant imit.[5]

Refrans[edit | edit suos]

  1. Geothermal Energy Association. Geothermal Energy: International Market Update May 2010, p. 4-6.
  2. 2.0 2.1 Template:Jiotoermal ilekchrixiti/Citation/core
  3. "[http://geo-energy.org/reports/2015/Int'lMarketataGlanceMay2015Final5_14_15.pdf The International Geothermal Market At a Glance – May 2015]." GEA—Geothermal Energy Association: May 2015.
  4. Template:Jiotoermal ilekchrixiti/Citation/core
  5. Moomaw, W., P. Burgherr, G. Heath, M. Lenzen, J. Nyboer, A. Verbruggen, 2011: Annex II: Methodology. In IPCC: Special Report on Renewable Energy Sources and Climate Change Mitigation (ref. page 10)