Tämä on suositeltu artikkeli

Ischri a Yuurop

Frahn Wikipidia
Jomp go a: navigieshan, saach

Di ischri a Yuurop diskraib di taim frahm wen yuuman inabit di yuuropian kantinet tu nou. Di fos evidens a Homo sapiens ina Yuurop diet bak tu 35,000 BC, di Yuuropian Pieliolitik piiriad. Wen seklment, agrikolcha, an domestikietid laivstak kom bout a di taat a di Niolitik piiriad, we a roun 7000 BC. Frahn di fos sivilaizieshan fi yuuz raitin tu di taim wen di sivilaizieshan disapier fi wahn likl taim, branz wehna di metal we piipl yuuz fi tuu an wepan. Istuorian liebl de piiriad ya di Branz Iej.

Di klasikal antikwiti ina Yuurop diet frahn wen raitin kom bak bout ina Ienchent Griis roun 700 BC. Di Ruoman Ripoblik establish ina 509 BC. Di Ruoman dem expan dem terichri uova Itali, den uova di Meditarienian biesn an Westan Yuurop. Di kristian rilijan ton liigal anda empara Constantine ina di 4t senchri AD. Ina fyuu jenarieshan, i ton di ofishal rilijan a di empaiya.

Wahn chret tu di powa a di Ruoman empaiya kom bout frahn di Arabian peninsula an di piipl dem uu yunait aanda Izlam. Ina westan Yuurop, nof a di nyuu stiet dem wehn onggl av Latn raitin, a fyuu Ruoman kostom, an di kristian rilijan in kaman. Muos a di kristian terichri ina di wes kom bout aanda di ruul a di Frangks, espeshali Charlemagne, uu di puop kround az di westan empara ina 800. Demya sosaiyati ya faam di bakbuon a di Yuurop we wi nuo tide.

Di ischri a yuurop tai op wid di ischri a di worl ina di madorn iej, az yuurop liid explorieshan an kanggwes kraas di gluob, and influens piipl frahn di Amerikaz tu di Pasifik, tu Afrika.