Glosa

Glosa a wah aatifishal languij inten fi yuuz mongx piipl wid difrah-difrah nietiv, kolcharal, ar nashinal languij. A wah agzileri languij an i no ab no poerpos fi soplant ar riplies eni adaels languij. Di poerpos a onggl fi bi wah kaman miinz fi komiunikiet fi piipl wid difrah-difrah languij. Glosa ab sebral distingguishin kiaraktaristik:

• Di chokcha simpl-simpl ah bies pah semantix. A wah analitikal languij widoutn no inflekshan, jenda, ar dayakritikal maak. Glosa du ab wie fi faam pluural, tens, kuestian, esechra, simila tu Chainiiz ah Malie, we yuuz wah wod fi iich aidie, bot no inflekshan. Wah sumaal amount a wod anggl gramatikal.
• Glosa woddem bies pah Latn ah Griik ruut kaman tu di chiif Yuropiyan languijdem; vaya sayans, teknalaji, ah medisn, demya wod penichriet aal languij. Alduo laaja vokiabileri avielebl, di bies vokabileri a bitwiin 1000 ah 2000 wod anggl muos sitieshan.
• Di pronongxieshan simpl ah regla, ah di pelin fonetik.
• Di bes ting a se Glosa nyuuchral. Bikaazn se a no nobadi uona languij, i avielebl tu ebriwan widoutn no jelosi ar rizentment uoba di daminans a eni wan a fyuu nashinal languij. Di yuus a Latn ah Griik ruut, nof a wa aredi yuuz waidpred, giit intanashinaliti.