Tämä on suositeltu artikkeli

Gialiliyo Gialileyi

Frahn Wikipidia
Jomp go a: navigieshan, saach
Gialiliyo Gialileyi
Galileo.arp.300pix.jpg

Posnal infamieshan

Baan: 15 Febiweri 1564
Ded: 8 Janiweri 1642
Nashinaliti: Italian

Profeshnal infamieshan

Profeshan: aschranama, filasafa, fizisis, matimatishan
Commons
Wikimedia Commons ab midia rilietid tu: Gialiliyo.

Gialiliyo Gialileyi (15 Febiweri 1564 - 8 Janiweri 1642) weh wan Italian fizisis, matimatishan, aschranama, ah filasifa uu eh-plie mieja ruol ina di Sayantifik Revaluushan. Ih eh-ab nof achiivment, laka di impruuvment a di teliskuop ah di aschranamikal abzavieshandem we dat mek pasibl. Deh kaal Gialiliyo di “faada a madan abzavieshanal aschranimi”, di “faada a madan fizix”, ah di “faada a sayans”, ah di “faada a madan sayans”. Di muoshan a abjek we aksalariet a di sieh riet, we tiich ina nieli ebri ai skuul ah inchadokshan kalij fizix kuos, weh todi bai Gialiliyo az di sobjik niem Kinimatix. Ih kanchribiut tu abzavieshanal aschranimi wid di teliskapik kanfamieshan a Viinos fiezdem, di fuo bigis satilait rong Jupita, ah di abzavieshan ah analisis a sonspat. Gialiliyo kumop gens nof apozishan wen ih champian iiliosenchrizim. Nof piipl weh stil biliiv se di oert stie wan plies widoutn muoshan a di senta a di yunivoers, ah ina Febiweri 1616 di choch se iiliosenchrizim eh rang ah kanchreri tu skripcha. Wen ih get ina chobl wid di choch, ih tel dem se im a-go tap priich gens di jiosenchrik vyuu. Wen ih go difen ih vyuudem ina ih muos fiemos wok, Dayalag Kansoernin di Tuu Chiif Wol Sistim, we poblish ina 1632, ih henop spen di res a ih laif anda ous ares, kaa di Ingkuizishan fain im gilti a erisi.