Tämä on suositeltu artikkeli

Dowizim

Frahn Wikipidia
Jomp go a: navigieshan, saach
Dowis rait a di Qingyanggong (Griin Guot Templ) ina Chengduu, Chaina
Boert a Laozii, pientin a Griin Guot Templ ina Chengduu, Chaina.

Dowizim (azwel kaal Towizim) a rilijos ar filasafikal chradishan a Chaini arijin we emfasaiz libm ina aamani wid di Dou (aalso ruomanaiz az Tou). Di toerm Dou miin "wie", "paas", ar "prinsipl", ah ikiah fain azwel ina Chaini filasafi ah rilijan outsaida Dowizim. Ina Dowizim, ousomeba, Dow dinuot sinting we a buot di suos a, ah di fuos baka, ebriting we egzis. Alduo di Dou iself no si az indipendant diviniti, muo kompier wid di Budis kansep a daama ah kaama, Dowizim nondiles a Palityistik rilijan we kantien moltityuud a gad.

Laozii chradishanali rigyaad az di founda Dowizim ah ih kluosli asuosiet ina dis kantex wid "arijinal" ar "praimaadial" Dowizim.[1] Weda ih akchuali eh-egzis dispyuut;[2][3] ousomeba, di wok achribiut tu im – di Dou Dii Jing – diet tu di liete 4t senchri BKE.[4]

Dowizim jraa ikazmalajikal foundieshan frah di Skuul a Nachralis (ina di faam a imien eliment – yin ah yang ah di Faib Fiez), we divelop juurin di Waarin Stiet piiriad (4t tu 3d senchri BKE).[5]

Refrans[edit | edit suos]

  1. Robinet, Isabelle. Taoism: Growth of a Religion, Stanford: Stanford University Press, 1997 [original French 1992]. ISBN 0-8047-2839-9, p. 63
  2. Robinet 1997, p. 25
  3. Kirkland, Russel. Taoism: The Enduring Tradition (Routledge, 2004). ISBN 0-415-26322-0. p. 62
  4. Kirkland 2004, p. 61
  5. Robinet 1997, p. 6