Tämä on suositeltu artikkeli

Dayuod

Frahn Wikipidia
Jomp go a: navigieshan, saach

Ina hilekchanix, dayuod a tuu-toerminal ilekchanik kompuonent we kandok praimerili ina wan direkshan (asimechrik kandoktans); iab luo (aidiili ziiro) rizistans tu di fluo a korant ina wan direkshan, ah ai (aidiili infinet) rizistans ina di nex wan. Semikandokta dayuod, di muos kaman taip tide, a wah kristalain piis a semikandokta matiirial wid a p–n jongshan kanek tu tuu ilekchikal toerminal.[5] Vakyuom tyuub dayuod ab tuu ilekchuod, wah pliet (anuod) ah wah iitop kiatuod. Semikandokta dayuod ena di fos semikandokta ilekchanik divais. Di diskovri a di rektifayin abiliti a kristal eh-mek bai Joerman fizisis Foerdinan Braun (Ferdinand Braun) ina 1874. Di fos semikandokta dayuod, kaal pus wiska dayuod, divelop rong 1906, eh-mek outa minaral kristal laka gialiina. Tide, muos dayuod mek outa silikan, bot adaels semikandokta laka siliiniom ar joermaniom yuuz sohtaim.