Alzaimaz diziiz

Demya piej ya a fi wah nesiseri aatikl.
Fram Wikipidia

Komparisn a naamal iej brien (lef) ah di brien a smadi wid Alzaimaz (rait). Kiaraktaristik we separiet di tuu paintout.

Alzaimaz diziiz [Ingglish: Alzheimer's disease (AD)], aalso nuo az jos Alzaimaz, a wah kranik nyuurodijenarietiv diziiz we yuujali taat sluo-sluo ah get wos uoba taim.[1][2] Ia di kaaz a 60% tu 70% a kies a dimentia.[1][2] Di muos kaman hoerli simtam a difikolti wid rimembrans a riisant ivent (shaat-toerm rimembrans laas).[1] Az di diziiz advans, simtam kiah ingkluud prablem wid languij, disuorientieshan (ingkluudn hiizi fi get laas), muud swing, laas a motivieshan, kyaah manij self kier, ah bieviaral ishu.[1][2] Az a poersn kandishan diklain, deh muotaim witjraa frah fambili ah sasayati.[1] Grajali, badi fongshan laas, oltimetli liidn tu det.[3] Alduo di spiid a progreshan kiah vieri, di avrij laif expektansi falarin dayagnuosis a chrii tu nain ier.[4][5]

Di kaaz a Alzaimaz diziiz no andastan so gud.[1] About 70% a di rix deh biliiv a jinetik wid nof jiin yuujali invalv.[6] Adaels rix fakta ingkluud ischri a ed injri, dipreshan, ar aipatenshan.[1] Di diziiz pruoses asosiet wid plak ah tanggl ina di brien.[6] Wah prabebl dayagnuosis bies pah di ischri a di ilnis ah kagnitiv tesin wid medikal imijin ah blod tes fi ruul out ada pasibl kaaz.[7] Inishal simtam noftaim mistiek fi naamal iejin.[1] Egzaminieshan a brien tishu nesiseri fi definet dayagnuosis.[6] Mental ah fizikal exasaiz, ah fi avaid obisiti maita kiah dikriis di rix a AD.[6] No medikieshan nar sopliment no de we dikriis rix.[8]

No triitment kiah tap ar rivoers iprogreshan, duo som maita kiah tempareri impruuv simtam.[2] Piipl we iafek ingkriisinli afi rilai pah smadi els fi asistans, noftaim put boerdn pah di kiergiva; di presha kiah ingkluud suoshal, saikalajikal, fizikal, ah ikanamik eliment.[9] Exasaiz pruogram benifishal wid rispek tu aktiviti a dieli libm ah kiah potenshali impruuv outkom.[10] Chriitment a bievral prablem ar saikuosis juu tu dimentia wid antisaikatix  kaman bot no yuujali rikomen juu tu ou muotaim igat likl ar no benifit ah ingkriis di rix a hoerli det.[11][12]

Refrans[change up | change up di source]

  1. 1.0 1.1 1.2 1.3 1.4 1.5 1.6 1.7 "Alzheimer's disease". The BMJ 338: b158. 5 February 2009. Template:Citation error. PMID 19196745. 
  2. 2.0 2.1 2.2 2.3 "Dementia Fact sheet N°362." World Health Organization: March 2015. Nuoroda tikrinta 13 January 2016.
  3. "About Alzheimer's Disease: Symptoms." National Institute on Aging. Nuoroda tikrinta 28 December 2011.
  4. "Alzheimer's disease". The New England Journal of Medicine 362 (4): 329–44. 28 January 2010. Template:Citation error. PMID 20107219. 
  5. "Survival in dementia and predictors of mortality: a review". International Journal of Geriatric Psychiatry 28 (11): 1109–24. November 2013. Template:Citation error. PMID 23526458. 
  6. 6.0 6.1 6.2 6.3 "Alzheimer's disease.". Lancet 377 (9770): 1019–31. 19 March 2011. Template:Citation error. PMID 21371747. 
  7. "Dementia diagnosis and assessment." National Institute for Health and Care Excellence (NICE). Nuoroda tikrinta 30 November 2014.
  8. "More research needed on ways to prevent Alzheimer's, panel finds." (PDF) National Institute on Aging: 29 August 2006. Nuoroda tikrinta 29 February 2008.
  9. Thompson CA, Spilsbury K, Hall J, Birks Y, Barnes C, Adamson J. Systematic Review of Information and Support Interventions for Caregivers of People with Dementia.
  10. "Exercise programs for people with dementia". The Cochrane Database of Systematic Reviews 12: CD006489. 4 December 2013. Template:Citation error. PMID 24302466. 
  11. "Low-dose antipsychotics in people with dementia." National Institute for Health and Care Excellence (NICE). Nuoroda tikrinta 29 November 2014.
  12. "Information for Healthcare Professionals: Conventional Antipsychotics." US Food and Drug Administration: 16 June 2008. Nuoroda tikrinta 29 November 2014.