Aizak Mendiz Belisario
Posnal infamieshan
Profeshnal infamieshan
Aizak Mendiz Belisario ar Isaac Mendes Belisario (1795–1849) wena Jumiekan aatis a Juwish disent. Ih weh aktiv ina Kinston rong di taim a Imansipieshan ah ih wok, ina pient ah ina print, provaid wah rier ah rich yai-witnis dakiument a laif ina Jumieka. Ih a wan a di hoerlies aatis fi tek wah Jumieka-senchrik apruoch tu di ailan kolcha. Ih puotfolio a litograf Skech a Kiarakta, ina Iloschrieshan a di Abit, Akiupieshan, ah Kastyuum a di Nigro Papilieshan ina di Ailan a Jumieka, (Sketches of Character, In Illustration of the Habits, Occupation, and Costume of the Negro Population in the Island of Jamaica), weh poblish ina kalaborieshan wid di litografa Adalf Dyuupali (Adolphe Duperly) ina 1837-38, dakiument aktiviti a di slievdem imidietli afta deh imansipieshan.[1] Som a di print a di hoerlies vijual riprizentieshan a di maskaried faam Jangkunu. Belisario wok aafa wah yuuniik puochret a Jumiekan kolcha a wah pivatal istarikal muoment.
Refrans[change up | change up di source]
- ↑ Tim Barringer, Gillian Forrester, Barbaro Martinez-Ruiz (Eds.,) Art and Emancipation in Jamaica: Belisario and his Worlds, Yale Center for British Art, 2007