Tämä on suositeltu artikkeli

Abalishanizam

Frahn Wikipidia
Jomp go a: navigieshan, saach

Abalishanizam wehna muuvment fi hen di slieb chried ahn himansipiet di sliebdem ina westan Yuurop ahn di Amorkadem. Nobadi moch no protes di slieb sistim tel di 18t senchri, wen rashanalis tinkadem a di hInlaitnment kritisaizi fi vayaliet yuuman rait, ahn Kwieka ahn ada els ivanjelikal rilijos gruup kandemi az an-Kristian. Duo antisliebri sentiment wehn waidpred bai liet 18t senchri, iab likl imidiet ifek pahn di sentadem a sliebri iself — di Wes Indiz, Sout Amorka, ahn di sodorn Yunaitid Stiet. Di himpuotieshan a hAfrikan slieb wehn ban ina di British kalanidem ina 1807, ahn ina di Yunaitid Stiet ina 1808. Ina di British Wes Indiz, sliebri abalish ina 1827 ahn ina di French pozeshandem 15 ier lieta.

Ina Britn, Wiliam Wilbafuos (William Wilberforce) wehn tek aan di kaaz a abalishan ina 1787 afta di faamieshan a di Komiti fi di Abalishan a di Slieb Chried, ush ihn liid ina Paalimenchri kiampien fi abalish di slieb chried ina di British Empaya wid di Slieb Chried Ak 1807. Ihn alzwel kiampien fi di abalishan a sliebri ina di British Empaya, ahn ihn lib fi siit ina di Sliebri Abalishan Ak 1833.

Wel-nuoon Abalishanisdem inkluudn buot blak piipl, ahn wait piipl we nehn sopuot sliebri: