Tämä on suositeltu artikkeli

Wol Waar II

Frahn Wikipidia
Jomp go a: navigieshan, saach
Di Wol juurin Wol Waar 2; Alai-griin, Axis-red, Niuchraal-grie

Wol Waar 2 a wahn mieja waar ina di twentiet senchri, ahn praps wahn a di muos impuotan waar dem ina aal a ischri. I las frahn 1939 tel 1945, ahn fait ina Yuurop, Afrika, ahn hIeja. De a tuu said we fait: di hAlai nieshan dem ahn di hAxis pawa dem. Di Alai dem inkluud Britn ahn di Kamanwelt, Frans, di Suoviet Yuunian, di Yunaitid Stiet, Chaina, Puolan, Yugoslavia, Griis, ahn uoliip ada nieshan dem. Di Axis kansis a Naatsi Jormani, Fashis hItali, Japan, Hongari, Bulgieria.

Di Waar ina Yuurop[edit | edit suos]

Di Fuoni Waar ahn di Fal a Frans[edit | edit suos]

Di waar ina Yuurop taat pahn Septemba 1, 1939, wen Jormani invied Puolan. Disya kaaz Britn ahn Frans a diklier waar pahn Jormani. Oueba, niida di Britn ahn Frans nuor Jormani jrekli fait wid iich ada fi hiet mont dem. Disya piiriod nuo az di "Fuoni War", ahn juurin i, Jormani sain di Naatsi-Suoviet Nan-hAgreshan Pak wid di Suoviet Yuunian, splitin Puolan bitwiin di tuu konchri dem. Jormani haalso hinvied Denmaak ahn Naarwie, hush buot fal ina fiuu wiik tu di Naatsi dem. Di Fuoni Waar hen ina Mie 1940, wen Jormani hinvied di Luo'a Konchri dem. Afta tiekin uoba di Nedalanz, Beljom, ahn Loximbog, Jormani maach ina Frans, ahn di Bakl a Frans taat. Oueba, di alai luuz di bakl, ahn Frans fel anda Naatsi kantruol, ahn split ina tuu sekshan dem: di aria hakyupai bi Jormani ina di naat ahn wes, ahn Vishi Frans, hush a wahn Naatsi popit stiet, ina di sout ahn iis. Oueba, French chruup reskyu ahn flii tu Britn juurin di Donkork ivakyueshan, pravaidin nof man fuo di French rizistans.

Di Bakl a Britn[edit | edit suos]

Afta di fal a Frans, Jormani chrai a invied Britn. Fos, dehn chrai to baam i yuuzin Blitskriig, ahn waip out di British hIerfaas. Disya nuo az di Bakl a Britn, hush las frahn Juulai 10 tu hAaktuoba 31, 1940, ahn tuotali fait bi hier faas dem. Bot sens di Naatsi andaestimiet di saiz a di Rayal hIer Faas, dehn luuz gens di British. Disya a di fos mieja tornin pain ina di waar.

Inviejan a di Suoviet Yuunian[edit | edit suos]

Afta di Naatsi dem fiel a inviedin Britn, Ikla disaid tu hatak di Suoviet Yuunian, taatin wid Aparieshan Baabaruosa juurin di soma a 1941. Sens di Suoviet dem a onpripier fi waar, di Naatsi iizili tiek uoba vas amoun dem a terichri. Aalduo dehn fiel tu tiek Maskou aftawadz, ahn di Suoviet dem mek a kounta-afensib juurin di winta a 1941, di Naatsi manij tu tiek muo lan, rong di Volga, di Don, ahn di Kaakasos juurin di nex soma. Oueba, di Jorman dem taap a Stalingrad juurin di winta a 1942, ahn di Suoviet faas dem taat tu go wes agen, gienin bak nof terichri.

Di Naat hAfrikan Fraan ahn di Inviejan a hItali[edit | edit suos]

Ina naat hAfrika, hush a muosli anda Vishi ruul, di Naatsi dem haalso ena plan pahn tiekin uoba hIijip, anda British kantruol.

Di Nuormandi Inviejan ahn Suoviet Vikchri[edit | edit suos]