Skolpcha

Di Dain Gaal, ar Di Kiapitaliin Gaal Ruoman maabl kapi a Elenistik wok a di liet 3d senchri BKE, Kiapitaliin Myuuziom, Ruom

Mikelanjelo Muoziz, (c. 1513–1515), ouz ina di choch a San Piechro ina Vinkoli ina Ruom. Di skolpcha eh-komishan ina 1505 bai Puop Juulios II fi ih tuum.

Asirian lamasu giet gyaadian frah Korsabad, c. 721–800 BKE

Netsuuki a taigris wid tuu kob, migl-19t senchri Japan, aivri wid shel inlie

Di Ienjel a di Naat bai Antoni Gaamli (Anthony Gormley), 1998

Skolpcha a di branch a vijual aat we apariet ina chrii dimenshan. A wan a di plastik aat. Dyuurebl skolpcharal pruoses arijinali yuuz kaavin (rimuuv matiirial) ah maglin (di adishan a matiirial, laka wid klie), ina stuon, metal, siramix, ud ah adaels matiirial bot, sens Madanizim, wa gwaan a aalmuos kompliit friidam a matiirial ah pruoses. Waid varayati a matiirial kiah wok pan bai rimuuval laka ina kaavin, asembl bai weldin ar maglin, ar muolin, ar kyaasin.

Skolpcha ina stuon sovaiv nof betara dah wok a aat ina perishebl matiirial, ah noftaim riprizent di majariti a di sovaivin wok (outsaida pachri frah ienshent kolcha, duo kanvoersli chradishan a skolpcha ina ud maita eh-vanish altugiada. Ousomeba, muos ienshent skolpcha eh-pient brait-brait, ah dis don laas tu wi.