Tämä on suositeltu artikkeli

Latn

Frahn Wikipidia
Jomp go a: navigieshan, saach
Latn
Jinaral Infamieshan
Taak ina Latiom, Ruoman Ripoblik, Ruoman Empaya, Vatikan Siti
Kantinent Yuurop
Fambili Indo-Yuropiyan
Ofishaliti
Ofishal languij Vatikan
ISO 639
ISO 639-1 la
ISO 639-2 lat
ISO 639-3 lat
Map indikiet di grietis extent a di Ruoman Empaya (c. 117 KE) ah di ieria goban bai Latn spiika (daak red). Nof languij muo dah Latn eh-spiik widin di empaya.
Rienj a di Ruomans languijdem, di madan disendant a Latn, ina Yuurop.

Latn (Latn: lingua latīna, ˈlɪŋɡʷa laˈtiːna) a klasikal languij we bilangx tu di Italik branch a di Indo-Yuropiyan languij. Di Latn alfabet diraiv frah di Uol Italik skrip, Ichroskan ah Griik alfabet.

Latn weh arijinali spiik ina Latiom, Itali.[1] Chuu di powa a di Ruoman Ripoblik, iweh bikom di daminant languij, inishali ina Itali ah sobsikuentli raichuu di Ruoman Empaya. Volga Latn divelop ina di Romans languijdem, laka Italian, Puotigiis, Panish, French, ah Rumienian. Latn, Italian ah French eh-kanchribiut nof wod tu di Ingglish languij. Latn – alang wid Griik – ruut yuuz ina tialaji, bailoji, ah medisn.

Bai di liet Ruoman Ripoblik (75 BKE), Uol Latn eh-don standadaiz ina Klasikal Latn. Volga Latn ena di koluokial faam we spiik juurin di siem taim ah ates ina inskripshan ah di wok a kamik plierait laka Plautus ah Terans.[4] Liet Latn a di raitin languij frah di 3d senchri, ah Midiival Latn a di languij yuuz frah di 9t senchri tel di Renesans we eh-yuuz Renesans Latn. Lieta, Hoerli Madan Latn ah Madan Latn ivalv. Latn eh-yuuz az di languij a intanashinal komiunikieshan, skalaship, ah sayans optel wel ina di 18t senchri, wen iweh-bigin fi soplaant bai voernakiula. Ikliiziastikal Latn rimien di ofishal languij a di Uoli Sii ah di Ruoman Rait a di Kiaklik Choch.

Tide, nof schuudent, skala ah memba a di Kiaklik kloerji spiik Latn fluentli. Deh tiichi ina praimri, sekanderi ah puos-sekanderi edikieshanal instityuushan rong di wol.

Latn a wah aili inflek languij, wid chrii distingk jenda, sebm noun kies, fuo voerb kanjugieshan, fuo voerb prinsipl paat, six tens, chrii poersn, chrii muud, tuu vais, tuu aspek ah tuu nomba.

Refrans[edit | edit suos]

  1. John Edwin Sandys. A companion to Latin studies (1910) Chicago: University of Chicago Press. pp. 811–812