Jumiekan Languij Yuunit

Frahn Wikipidia
Jump to navigation Jump to search

Di Jumiekan Languij Yuunit (JLU) a wah Yuunit ina di Dipaatment a Languij, Lingguistix ah Filasafi, a di Yunivoersiti a di Wes Indiz (UWI), Muona, Jumieka. Iweh setop wid ifek frah Septemba 2002.

Bakgrong[edit | edit suos]

Ina Mie 2001, riprizentieshan eh-mek tu di Jaint Silek Komitii a di Paaliment a Jumieka pah di jraaf Chaata a Raits (Kanstityuushanal Amenment Bil) pah di niid fi ingkluud widin di chaata friidom frah diskriminieshan pah di grounz a languij. Di paint eh-mek se nof sitizn a Jumieka no gat no kampitensi ina hIngglish, di languij ina we saabis a di stiet naamali provaid ina. Di vaas majariti a soch poersn a spiika a Jumiekan, waidli refa tu az Patwa. Iweh aagiu se fielia fi provaid saabis a di stiet ina languij ina soch jinaral yuus ar diskrimineteri chriitment bai afisa a di stiet bies pah di inabiliti a sitizn fi yuuz Ingglish, ena vailieshan a di raits a sitizn so afek. Di propuozal eh-mek se friidom frah diskriminieshan pah di grounz a languij fi insoert ina di Chaata a Raits. Fi supuot soch rait, iweh-rikomen se wah languij planin iejensi fi setop fi diil wid ishu laka:

  • standad raitn sistim fi Jumiekan[1]
  • divelopment a teknikal ah adminischretiv toerminalaji ina di languij fi yuus bai afisa a di stiet
  • manitarin a stiet iejensi wid rispek tu di nan-diskriminiteri provijan a saabis ina di tuu languij ina jinaral yuus, i.e. Ingglish ah Jumiekan
  • poblik edikieshan pah di languij ishu.

Di Jaint Silek Komitii ripuot stiet se "Di jinaral kansensos a di Komitii, afta diskoshan pah di mata, a dat di extablishment a wah iejensi a di taip menshan … uda bi a prii-rekuizit tu heni kanstityuushanal giarantii a protekshan frah diskriminieshan pah di grounz a languij ah dat soch iejensi shuda extablish. Soch instityuushan uda asis fi edikiet ah inlaitn piipl pah di ishu a diskriminieshan pah di grounz a languij so dat, ivenchali, giarantii a protekshan frah soch diskriminieshan uda fain iplies ina di Kanstityuushan." [2] Di Ripuot gwaan fi stiet se di Komitii uol di vyuu chrang-chrang se Paaliment shuda ingkorij di Dipaatment a Languij, Lingguistix ah Filasafi a di Yunivoersiti a di Wes Indiz fi poersyuu disya wok ah fi ripuot apruopietli pah datde wok az iprogres.[2]

Di Chierman a di Komitii, Seneta A. J. Nikalsn, Q.C., Atoerni Jineral ah Minista a Jostis, ripuot di rikomendieshan a di Komitii wid rigyaad tu di setn op a di languij iejensi magl pah di Antilian Lingguistik Instityuut a di Nedalanz Antiliiz ah plej se "Di Minischri a Jostis stan redi fi asis az maita bikom nesiseri.[3]

Extoernal lingk[edit | edit suos]

Refrans[edit | edit suos]

  1. http://www.mona.uwi.edu/dllp/jlu/documents/spelling-jamaican-the-jamaican-way-Handout.pdf
  2. 2.0 2.1 Joint Select Committee Report, 2002, pp. 29-30
  3. Leta frah di Chierman a di Jaint Silek Komitii, diet 28 Febiweri 2002