Intaling lichicha

Intaling lichicha braadli inkompas di badi a fikshan ah nanfikshan wok kriet ar chransliet ina Intaling, wah kanschrok languij kriet bai Edga di Waal. Alduo i muosli kompuoz a arijinal shaat tuori ah chranslieshan poblish ina di senchral magaziin a di languij, Kazmoglata, ful lent navl ah puoychri antalaji alzwel egzis, in potikiula demde by aata laka Visente Kastalaago, Yan Amos Kajs, ah Jaroslav Podobsky.

Nof arijinal Intaling tex azwel chranslieshan eh-poblish sens 2000, di fos wan ena fi Stendhal Di Chaata’ous a Paama (Li Cartusie de Parma), chransliet bai Robert Winter ina 2011. Ina 2012, Thomas Schmidt poblish Li Munde de Sandra ina wah anlain magaziin, Post Mundi, we kantien matiirial poblish ina kanschroktid languij. Dis eh-fala wid chranslieshan a Di Likl Prins ina 2014 ah waneda wan a Li Romance de Photogen e Nycteris ina 2019. [4] Bitwiin 2021 ah 2023 Vicente Costalago poblish sebral ariginal ah chranslietid tex ina Intaling. Mongx di fos wandem a Li sercha in li castelle Dewahl e altri racontas, Li tresor de Fluvglant, Subuqti e Verses escapat de mi mente. Mongx di lieta wandem wi kiah fain Antologie hispan, Fabules, racontas e mites, ah Antologie de poesie european. Waneda impuotant raita a Dorlota Burdon, uu eh-poblish sebral arijinal tuori ina di magaziin Posta Mundi. Shi eh azwel chransliet Di Luunatik, bai Khalil Gibran.